ဘုရားမှန်ရင်
- ဗုဒ္ဓဘာသာဟာ ကိုးကွယ်မှုဆိုတဲ့ တခြားဘာသာတွေနဲ့ တူသလားလို့ဆိုတော့ တချို့က ပြောလေ့ရှိတယ်။ 'လောကမှာ ဘုရားဆိုတာ တစ်ဆူတည်းပဲ ရှိတယ်။ အကုန်အတူတူပါပဲ'လို့ ပြောတတ်ကြတယ်။ ကလေးတို့ စဉ်းစားရ မှာက ဘယ်ဘုရားကို ရည်ညွှန်းတာလဲလို့ မေးဖို့လိုတယ်။ ဘုရားလို့ နာမည်ခံတာတွေက အများကြီးရှိတယ်နော်။
- ဘုရားဆိုတာမျိုးဟာ ကရုဏာရှိရမယ်။ ပညာရှိရမယ်။ အေး 'ကရုဏာ' ဆိုတဲ့နေရာမှာ သာမန်ကရုဏာမဟုတ်ဘူး။ မဟာကရုဏာ။ ပညာကလည်း မဟာပညာ။ ပညာရှိတယ်။ ကရုဏာရှိတယ်။
- ပညာသာရှိပြီး ကရုဏာမရှိရင် ရက်စက်တတ်တယ်။ ကရုဏာသာရှိပြီး ပညာမရှိရင် လမ်းမှန်မပေးနိုင်ဘူး။ ကရုဏာရော၊ ပညာရော နှစ်ပါးစုံရမယ်။ ဘုရားမှန်ရင် ကရုဏာရော၊ ပညာရော နှစ်ပါးလုံးစုံမှ ဘုရားဖြစ်ပါတယ်။ တခြားအရည်အသွေးတွေလည်း ရှိသေးတယ်နော်။
- 'ရက်စက်ပြီးတော့ ဒဏ်ခတ်တယ်'ဆိုတာ ဘုရားမဟုတ်ဘူး။
- မြတ်စွာဘုရားဟာ ဆင်းရဲဒုက္ခရောက်နေတဲ့ သတ္တဝါအားလုံးအပေါ်မှာ အကြင်နာထားတာ ကရုဏာပဲ။ ထိုဆင်းရဲဒုက္ခတွေက လွတ်မြောက်အောင် လမ်းမန်ကို ညွှန်နိုင်တာ ပညာ။ အေး ...ကရုဏာ၊ ပညာ နှစ်ခုပေါင်းစပ် လိုက်မှ တကယ့်ဘုရားအစစ်။
- လူ့လောကမှာ ခေါင်းဆောင်ဆိုတဲ့ ပုဂ္ဂိုလ်တွေဟာ ကရုဏာလည်း ရှိ ရမယ်။ ပညာလည်း ရှိရမယ်။ ပညာတော့ရှိတယ်၊ ကရုဏာမရှိဘူးဆိုရင် ကောက်ကျစ်တဲ့ပုဂ္ဂိုလ်ဖြစ်တယ်။ ရက်စစ်တတ်တယ်။
- ကရုဏာတော့ရှိတယ်၊ ပညာမရှိဘူးဆိုရင် လမ်းမှန်ကို မသိဘူး။ တလွဲ တွေလုပ်တယ်။ အေး .. ဒါမျိုးမဖြစ်အောင် တို့ဗုဒ္ဓမြတ်စွာက ပညာလည်းရှိ တယ်။ ကရုဏာလည်းရှိယတ်။ မဟာကရုဏာနဲ့ မဟာပညာ ပြည့်စုံတဲ့ ပုဂ္ဂိုလ် ဖြစ်တဲ့အတွက်ကြောင့် အများအပေးမှာလည်း အကြင်နာတရားြ့ီးမားတယ်။ အကြင်နာတရားကြီးမားတဲ့အတိုင်း မှန်ကန်တဲ့လမ်းကိုလည်း ညွှန်ပြနိုင်တယ်။
၂ဝ၁၄ ခုနှစ်ထုတ် လူငယ်များသို့ သဝဏ်လွှာစာအုပ်မှ။
ပါမောက္ခချုပ်ဆရာတော်၏ ဘဝခရီးနှင့်ဓမ္မဆီမီး စာ-၅၁၆
No comments:
Post a Comment