ဘဝဒုက္ခ ဘဝဆင်းရဲတွေမှ လွတ်မြောက်အောင်
လောကမှာ ဘာသာတရားတွေ မြောက်များစွာ ရှိတဲ့အထဲမယ် ဗုဒ္ဓဘာသာ က 'ဘာသာတရား'ဆိုတဲ့အမည်အောက်မှာ ပါဝင်နေသော်လည်း ထာဝရ ဘုရားထံမှာ ဆုတောင်းခြင်း၊ ဆုယူခြင်းဆိုတာတွေနဲ့ ပတ်သက်မှု လုံးဝမရှိဘူး။ မိမိတို့ သန္တာန်မှာရှိတဲ့ စိတ်ဓာတ်ပိုင်းဆိုင်ရာ အရည်အချင်းတွေကို စနစ်တကျ ကျင့်သုံးခြင်း၊ မြှင့်တင်ပေးခြင်း အသိဉာဏ်ရရှိအောင် ကြိုးစားတယ်။ ဘဝဒုက္ခ ဆင်းရဲတွေမှ လွတ်မြောက်အောင် လိုက်နာကျင့်သုံးတာဖြစ်လို့ တခြားဘာသာ တရားတွေနဲ့ များစွာကွာခြားတယ်ဆိုတာ သတိထားဖို့ လိုအပ်တယ်။
တခြားဘာသာတရားတွေမှာ ဆုတောင်းဆုယူတာ အဓိကဖြစ်တယ်။ မိမိ တို့ကိုယ်ပိုင် ဆုံးဖြတ်နိုင်ခွင့်မရှိဘဲနဲ့ မိမိတို့ဘဝကိုပိုင်ဆိုင်ပြီးတော့ အဆုံးအ ဖြတ်ပေးနေတဲ့ တန်ခိုးရှင်ကြီးတစ်ဦးရှိနေတယ်ဆိုတာ ယုံကြည်ကြတယ်။ ထို တန်ခိုးရှင်ကြီး ပြောသမျှ ဆိုသမျှ ဆုံးမသြဝါဒပေးသမျှကို လိုက်နာကျင့်သုံး ပြီး မိမိတို့ဘဝကို အပ်နှံထားရတဲ့ အနေအထားမျိုးပေါ့။
ဗုဒ္ဓဘာသာမှာတော့ အဲဒီလိုမဟုတ်ဘူး။ ဘုရားကို ကိုးကွယ်တယ်ဆိုတဲ့ နေရာမှာ အမှန်တရားကို ထုတ်ဖော်ဟောကြားတဲ့ ပုဂ္ဂိုလ်တစ်ဦးအနေနဲ့ ကိုး ကွယ်တာ။ ဘုရားဟောတဲ့ မှန်ကန်တဲ့ လမ်းစဉ်တစ်ရပ်ကို သင်ယူပြီး မိမိ ကိုယ်တိုင် ကိုယ့်ကိုယ်ကို ကောင်းအောင်ပြုပြင်ပြီး ကျင့်သုံးလိုက်နာတဲ့ နည်းစနစ် ဖြစ်တယ်။ ဒီတော့ နည်းစနစ်ခြင်း မတူဘူးပေါ့နော်။
#ပါမောက္ခချုပ်ဆရာတော် ဒေါက်တာနန္ဒမာလာဘိဝံသ
သာသနာတော်နှစ် ၂၅၅၄-ခုနှစ်၊ ကောဇာသက္ကရာဇ် ၁၃၇၂ ခုနှစ်၊
ပထမဝါဆိုလဆန်း(၂)ရက်၊ ခရစ်နှစ် ၂ဝ၁ဝ ခုနှစ် ဇွန်လ ၁၃ ရက်နေ့၊ လှိုင်မြို့နယ်
MICT Park မြန်မာနိုင်ငံအင်ဂျင်နီယာအသင်း၌ ဟောကြားခဲ့သော
'သတိမကွာ အသိပညာဖြင့် နေထိုင်ခြင်း'တရားဒေသနာတော် မှ
No comments:
Post a Comment